Kaun uthae ga teri jaur - Love Shayari

Apne marne ka agar ranj mujhe hai to ye hai..
Kaun uthae ga teri jaur-o-jafa mere baad..

Jeene ki yeh kaise aadat lagi - Sad Shayari - Deepika Padukone

Jeene ki yeh kaise aadat lagi
Bematlab ye karze chadh gaye

Haadson se bach ke jaate kahaan
Sab rote hanste seh gaye

Shaam O subah tu mera Love Shayari - Kareena Kapoor

Shaam O subah tu mera, Tere bina kya mera..
Do jismo jaan ek hai, Na hona kabhi tu judaa..

Teri meri kahaani, Hai barishon ka paani..
Banke jo ishq barse, Teri meri kahaani..

Chale Aate Hain Dil Mein Armaan Lakhon - Daagh Dehlvi - Dard Shayari

phire rah se wo yahan aate aate
ajal mar rahi tu kahan aate aate

na jaana ki duniya se jata hai koi
bahut der ki mehrban aate aate

suna hai ki aata hai sar nama-bar ka
kahan rah gaya armughan aate aate

yaqin hai ki ho jae aaKHir ko sachchi
mere munh men teri zaban aate aate

sunane ke qabil jo thi baat un ko
wahi rah gai darmiyan aate aate

mujhe yaad karne se ye muddaa tha
nikal jae dam hichkiyan aate aate

abhi sin hi kya hai jo bebakiyan hon
unhen aaengi shoKHiyan aate aate

kaleja mere munh ko aaega ek din
yunhi lab par aah-o-fughan aate aate

ye qayamat aa gai ya khwaab hai | Hindi Shayari

meri aankhein aur deedaar aap ka..
ye qayamat aa gai ya khwaab hai..

Mohabbat mein nahin hai farq | Love Shayari - Mirza Ghalib

Hazaron khwahishen aisi ke har khwahish pe dam nikle..
Bahut nikle mere armaan lekin phir bhi kam nikle..

Dare kyun mera qatil kya rahega uske gardan par..
Wo khoon jo chashm-e-tar se umr bhar yun dam-ba-dam nikle..

Nikalna khuld se aadam ka sunte aae hain lekin..
Bahut be-abru hokar tere kooche se hum nikle..

Bharam khul jaye zalim tere qamat ki daraazi ka..
Agar is turra-e-pur-pech-o-kham ka pech-o-kham nikle..

Magar likhwae koi usko khat to humse likhwae..
Hui subah aur ghar se kan par rakh kar qalam nikle..

Hui is daur mein mansub mujhse baada-ashami..
Phir aaya woh zamana jo jahan mein jaam-e-jam nikle..

Hui jin se tawaqqo khastagi ki dad pane ki..
Wo humse bhi ziyada khasta-e-tegh-e-sitam nikle..

Mohabbat mein nahin hai farq jeene aur marne ka..
Usi ko dekh kar jeete hain jis kafir pe dam nikle..

Kahan me-khane ka darwaza Ghalib aur kahan waiz..
Par itna jaante hain kal wo jata tha ki hum nikle..